AQTA-nın şöbə müdiri: Məntəqələr heyvanların satışı və kəsimi üçün hazırdır
Bakı, 3 iyun, AZƏRTAC
Qurban bayramına hazırlıq mərhələsi demək olar ki, başa çatıb. Hazırda respublikada 135 məntəqə, o cümlədən Naxçıvan Muxtar Respublikasındakı məntəqələr heyvanların satışı və kəsimi üçün hazırdır. 77 ünvanda bu proses həyata keçiriləcək. Digər ünvanlarda isə heyvanların satışı aparılacaq.
AZƏRTAC xəbər verir ki, bu barədə Azərbaycan Respublikası Qida Təhlükəsizliyi Agentliyinin şöbə müdiri, respublikanın baş dövlət baytarlıq müfəttişi Qalib Əbdüləliyev jurnalistlərə müsahibəsində bildirib.
“Bu məntəqələrin potensialı gün ərzində 10 min başdan çox heyvanın kəsiminə və 33 mindən artıq heyvanın satışına imkan verir. Bu da tələbatın tam qarşılanmasını təmin edir. Kəsim məntəqələri olmayan yerlərdə Azərbaycan Qida Təhlükəsizliyi İnstitutunun səyyar çadır tipli kəsim məntəqələrindən istifadə ediləcək. Bu məntəqələr Zəngilan, Cəbrayıl, Füzuli, Şuşa, Ağdərə, Babək, Şərur və Ordubad rayonlarında, eyni zamanda, Bakı şəhərində 2 yerdə və Quba şəhərində yaradılacaq. Vətəndaşlarımız qurbanlıq heyvanlarla təchiz olunmuş marketlərin xidmətlərindən də istifadə edə bilərlər. Respublikada 16 ünvanda bu proses həyata keçiriləcək”, - deyə Q.Əbdüləliyev vurğulayıb.
Bölmənin digər xəbərləri
