AQTİ-nin nümayəndəsi: Qida təhlükəsizliyi sahəsində elmi araşdırmalar sənayenin tələbinə uyğun aparılmalıdır
Bakı, 4 iyun, AZƏRTAC
Qida təhlükəsizliyi sahəsində tənzimləyici qurumlar ali təhsil müəssisələri ilə əlaqəli işləməlidir. Bu sahədə elmi araşdırmalar kortəbii deyil, sənayenin tələbinə uyğun aparılmalıdır.
AZƏRTAC xəbər verir ki, bunu Azərbaycan Qida Təhlükəsizliyi İnstitutunun (AQTİ) Analitik Ekspertiza Mərkəzinin müdiri Tünzalə Qocayeva "Ümumdünya Qida Təhlükəsizliyi Günü: Elm fəaliyyətdədir” mövzusunda keçirilən konfrans çərçivəsində təşkil edilən "Qida təhlükəsizliyi və keyfiyyətinin təmin olunmasında ali təhsil sisteminin rolu: gələcək nəsil mütəxəssislər və innovativ elmi yanaşmalar" adlı paneldə deyib.
Tünzalə Qocayeva AQTİ-nin bir sıra ali təhsil müəssisələri ilə əməkdaşlıq etdiyini diqqətə çatdırıb. O bildirib ki, 2024-cü ildə 154, bu ilin ötən dövründə isə 122 tələbə praktiki işlərini institutun laboratoriyalarında həyata keçirib.
Bölmənin digər xəbərləri
