“Artım” layihə məkanı müsabiqə elan edir
Bakı, 7 sentyabr, AZƏRTAC
“YARAT” Müasir İncəsənət Məkanının “Artım” layihə məkanı yerli rəssamlara göstərdiyi dəstək proqramı çərçivəsində yeni müsabiqə elan edir.
“YARAT”dan AZƏRTAC-a bildirilib ki, müsabiqə İçərişəhərin “Qüllə” küçəsində açıq havada quraşdırılacaq “art obyekt” üçün elan olunub. Açıq müsabiqədə iştirak üçün peşəkar və həvəskar rəssam, heykəltəraş, memar, dizayner və digər yaradıcı peşə sahiblərinin müraciətləri qəbul olunur və yaş məhdudiyyəti yoxdur. Hər iştirakçı istənilən sayda təklif göndərə bilər.
Müraciətlərin son qeydiyyat tarixi sentyabrın 30-da başa çatır.
Göndərilən “art obyekt” təklifləri “Artım” layihəsinin konseptinə uyğun, diqqəti cəlb edən, kreativ, qeyri-adi yanaşma təklif edən, habelə İçərişəhərdə yeni turizm obyektinə çevrilə biləcək meyarlara uyğun olmalıdır.
Təklifləri [email protected] poçt ünvanına göndərərkən müəllifin adı, soyadı, əlaqə telefonu, “Art obyekt”in yazılı təsviri (konsept və texniki şərtlər) və “Art obyekt”in eskizlərini qeyd etmək mütləqdir.
Bölmənin digər xəbərləri
