Artur Lekler “Ferrari” Yürüş Akademiyasını tərk edib
Bakı, 21 dekabr, AZƏRTAC
“Ferrari” komandası 2024-cü il üçün öz gənclər proqramında bir neçə dəyişiklik barədə məlumat yayıb.
AZƏRTAC xarici KİV-lərə istinadla xəbər verir ki, 2018-ci ildən “Ferrari” Yürüş Akademiyasına rəhbərlik edən Marko Massata öz vəzifəsindən gedir. Onu son illər komandanın baş yürüş mühəndisi postunda çalışan təcrübəli Cok Klia əvəz edəcək. Komandanın pilotu Şarl Leklerin kiçik qardaşı Artur Lekker akademiyanı tərk edib. Lakin komandanın bəyanatında “Arturun “Ferrari” ailəsində qalacağı” vurğulanır. Ötən mövsüm Formula 4 yarışlarında çıxış edən Ceyms Uorton da akademiyadan kənarlaşdırılıb.
2024-cü ildə müxtəlif gənclər seriyasında 6 iştirakçı hələ də “Ferrari” Yürüş Akademiyasını təmsil edəcək. Oliver Berman Formula 2-də, Dino Beqanoviç isə Formula 3-də çıxışlarını davam etdirəcəklər. Rafael Kamara və Tuuka Taponen mövsümü FRECA seriyasında keçirəcək, qadın “F1 Academy”də isə Aureliya Nobels və Maya Voyq çıxış edəcəklər.
Bölmənin digər xəbərləri
