Asim Mollazadə: Fransa yenidən özünü imperiya kimi hiss edir
Bakı, 28 dekabr, AZƏRTAC
Fransa yenidən özünü imperiya kimi hiss etmək istəyir və Rusiyanın Cənubi Qafqazdan çıxma ehtimalı olduğuna görə Fransa bu bölgəyə Rusiyanı əvəzləyərək yeni bir imperiya kimi daxil olmaq istəyindədir. Bununla yanaşı, erməni diasporu lobbiçilik fəaliyyəti nəticəsində bu ölkənin siyasi korrupsionerlərdən istifadə edərək, erməni icmasının istəklərini ifadə edir və bölgədə yaşayan erməniləri bir qurban kimi görür.
Bu fikirləri AZƏRTAC-a açıqlamasında Milli Məclisin deputatı Asim Mollazadə söyləyib.
“Erməni diasporuna daimi münaqişə lazımdır ki, hansısa faciələri yaradaraq Ermənistan üçün maliyyə toplasınlar. Hazırda Makronun siyasətində Türkiyə ilə problemləri olduğuna görə türkofobiya daha çox Fransada artır. Eyni zamanda, bu ölkədə həm antisemitizm, həm də rasizm artır. Yeni bir imperiya kimi Cənubi Qafqaza gələrkən onlar öz istəklərini gərçəkləşdirməyə çalışacaqlar. Həmçinin erməni icması bunun üçün onlara müəyyən maliyyə dəstəyi də verir”, - deyə deputat vurğulayıb.
Bölmənin digər xəbərləri
