Astana Qazaxıstan taxılının Azərbaycana ixracının artmasının səbəblərini açıqlayıb
Astana, 2 iyul, AZƏRTAC
2024-cü ilin sentyabrından 2025-ci ilin iyununa qədər Qazaxıstan Azərbaycana ümumilikdə 9 milyon ton yeni taxıl ixrac edib ki, bu da ötən mövsümün eyni dövrü ilə müqayisədə 60 faiz çoxdur.
AZƏRTAC Qazaxıstanın Kənd Təsərrüfatı Nazirliyinin məlumatlarına istinadla xəbər verir ki, ixrac həcmlərinin artması xarici bazarlarda Qazaxıstan taxılına yüksək tələbatın olduğunu göstərir. Eyni zamanda, bu artım tədarük coğrafiyasının genişləndirilməsi və logistika infrastrukturunun modernləşdirilməsi istiqamətində görülən tədbirlərin səmərəliliyini təsdiqləyir.
Bu dövr ərzində Azərbaycana 707 min ton taxıl tədarük edilib.
Qeyd olunur ki, Azərbaycan və İrana taxıl tədarükünün həcmlərinin artması həm ticarət-iqtisadi əlaqələrin genişlənməsi, həm də beynəlxalq dəhlizlər də daxil olmaqla nəqliyyat infrastrukturunun inkişafı ilə bağlıdır.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
