ASTARADA UŞAQ MUĞAM İFAÇILARININ ÜÇÜNCÜ RESPUBLİKA MÜSABİQƏSİ KEÇİRİLİR

20.05.2006 [15:17]
Çap et
A⁺ A^-

AZƏRTAC-ın müxbiri xəbər verir ki, Astara rayon mədəniyyət evində uşaq muğam ifaçılarının üçüncü Respublika müsabiqəsinin açılışı olmuşdur.

Mərasimdə rayon icra hakimiyyəti başçısının müavini Natiq İbadov, münsiflər heyətinin sədri, xalq artisti Canəli Əkbərov çıxış edərək, Astara şəhərində hər iki ildə bir dəfə keçirilən uşaq muğam ifaçıları müsabiqəsinin mədəni irsimizin qorunub saxlanmasında və uşaqların dünyagörüşünün formalaşmasındakı əhəmiyyətindən danışmış, Azərbaycan muğamlarının dünyada tanınmasında YUNESKO-nun xoşməramlı səfiri, Milli Məclisin deputatı Mehriban xanım Əliyevanın xidmətlərini yüksək qiymətləndirmiş, sənət adamlarına göstərdiyi qayğıya görə Azərbaycan Prezidentinə minnətdarlıqlarını bildirmişlər.

Dцrd gьn davam edəcək mьsabiqədə respublikamızın 60-a yaxın şəhər və rayonlarından gəlmiş 200-dən artıq gənc muğam ifaçısı istedad və bacarıqlarını nümayiş etdirəcəkdir.

Qaliblərə Mədəniyyət və Turizm Nazirliyinin təsis etdiyi pul mükafatları və diplomlar təqdim ediləcəkdir.