Aureli Qriqoriu: Azərbaycanın milli siyasətini bütün ölkələr öyrənməlidir
Bakı, 1 noyabr (AZƏRTAC). Belə bir Forumun işində ilk dəfədir iştirak edirəm və çox razıyam. Hesab edirəm ki, Beynəlxalq Humanitar Forumun belə yüksək səviyyədə keçirilməsi ölkənin dünyadakı imici üçün çox əhəmiyyətlidir. Belə bir Forumun keçirilməsi bütünlüklə dəstəkləyirəm.
AZƏRTAC xəbər verir ki, bu sözləri jurnalistlərə müsahibəsində Üçüncü Bakı Beynəlxalq Humanitar Forumunda iştirak etmək üçün Azərbaycana gəlmiş Moldova Respublikasının Ombudsmanı Aureli Qriqoriu söyləmişdir.
A.Qriqoriu Forumun yüksək səviyyədə təşkil olunduğunu vurğulayaraq demişdir ki, Azərbaycan Prezidenti İlham Əliyevin lakonik, eyni zamanda, dəqiq ifadə olunmuş nitqi çox xoşuma gəldi. Bu nitqdə Minilliyin bütün çağırışları qeyd edilmiş, yollar müəyyən edilmiş, mövcud problemləri həll etmək tövsiyələr verilmiş, habelə Azərbaycanın bütün bunları necə həll etdiyi göstərilmişdir. A.Qriqoriu demişdir: “Dünya birliyi Azərbaycanın düşünülmüş, demokratik, bütün milli azlıqların və dini icmaların hüquqlarını təmin edən milli siyasətini öyrənməlidir. Bu fakt dünya səviyyəsində qeyd olunmaya bilməz”.
A.Qriqoriu Azərbaycan rəhbərliyinin bu istiqamətdəki fəaliyyətinin yüksək səviyyədə olduğunu bildirmişdir.
Bölmənin digər xəbərləri
