Avroliqanın final matçına bileti olanları “X1” və “X2” ekspres marşrut xətt avtobusları daşıyacaq
Bakı, 29 may, AZƏRTAC
Bu gün Bakı Olimpiya Stadionunda UEFA Avropa Liqasının finalına bilet alan tamaşaçıların daşınması “X1” və “X2” ekspres marşrut xətt avtobusları vasitəsilə həyata keçiriləcək.
Bakı Nəqliyyat Agentliyindən (BNA) AZƏRTAC-a bildirilib ki, final matçına bilet alan şəxslər Bakı Olimpiya Stadionuna metronun “Qara Qarayev” stansiyası yaxınlığından “X1” ekspres xətt avtobuslarından istifadə etməklə gedə biləcəklər. Eyni zamanda, Bakı Olimpiya Stadionuna metronun “28 May” stansiyası yaxınlığından “X2” (Səməd Vurğun bağı) ekspres xətt avtobusları ilə də getmək mümkündür. Daşımalara saat 19:00-da başlanacaq və proses saat 23:00-dək davam edəcək.
Bölmənin digər xəbərləri
