Avropa İttifaqı koronavirusla mübarizə üçün Ukraynaya növbəti dəfə maliyyə yardımı edib

13.04.2020 [12:05]
Çap et
A⁺ A^-

Kiyev, 13 aprel, AZƏRTAC

Avropa İttifaqı koronavirusla mübarizə üçün Ukraynaya növbəti dəfə maliyyə yardımı edib. AZƏRTAC xəbər verir ki, Avropa İttifaqının Ukraynadakı nümayəndəliyinin yaydığı məlumata görə, maliyyə yardımı 4 milyon avro həcmindədir. Bu yardım könüllülərin koronavirusun yayılmasına qarşı gördüyü işlərə xərclənəcək.

Qeyd edək ki, Avropa İttifaqı bundan öncə koronavirusla mübarizə üçün Ukraynaya 190 milyon avro dəyərində yardım edib.

Bundan əlavə, Avropa İttifaqı Ukraynanın Donetsk bölgəsindəki Təcili Tibbi Mərkəz üçün avadanlıq, 100 dəst fərdi qoruyucu vasitələr və 70 litr antiseptik maye ilə təmin edib.

Emil Hüseynli

AZƏRTAC-ın xüsusi müxbiri

Kiyev