AVROPA PARLAMENTİNİN TÜRKİYƏ İLƏ BAĞLI HESABATI AVROPA BİRLİYİNİN ETİRAZINA SƏBƏB OLMUŞDUR
Aİ Komissiyasının sədri Xose Manuel Barroso qondarma “erməni soyqırımı”nın Türkiyənin Avropa İttifaqına üzvlüyü üçün əsas şərt olmayacağını bildirmişdir. Bir neçə avropalı deputat da Türkiyə əleyhinə fəaliyyət göstərən lobbilərin bu məsələni gündəliyə çıxarmasını pisləmişdir.
Rəsmi Ankara isə, hesabatı sağlam məntiqə zidd olan bir sənəd adlandırmışdır. Xristian Demokrat Qrupunun bir üzvünün hazırladığı hesabatda ötən il xatırladılan qondarma “erməni soyqırımı” bu il Türkiyənin Avropa İttifaqına üzvlüyünün əsas şərti kimi göstərilmişdir. Xarici İşlər Nazirliyinin mətbuat katibi Namik Tan hesabatda yer almış bu maddənin çıxarılmasını tələb etmişdir. Baş nazir Rəcəb Tayyib Ərdoğan isə hesabatla bağlı mövqeyini bildirərək demişdir: “Bunu şişirtməyə ehtiyac yoxdur. Qondarma “erməni soyqırımı” ilə əlaqədar bu cür iddiaları indiyə qədər qəbul etməmişik. Bu məsələ ilə bağlı mövqeyimiz qətidir”.
Bölmənin digər xəbərləri
