AVROPA ŞURASI MONİTORİNQ KOMİTƏSİNİN HƏMMƏRUZƏÇİLƏRİ BAKIYA GƏLƏCƏKLƏR
AZƏRTAC xəbər verir ki, Avropa Şurası Üzv Dövlətləri Tərəfindən Öhdəliklərin Yerinə Yetirilməsi üzrə Monitorinq Komitəsinin həmməruzəçiləri Toni Lloyd və Andres Herkel oktyabrın 29-da Azərbaycana səfərə gələcəklər.
Milli Məclisdən bildirmişlər ki, həmməruzəçilərin səfərindən məqsəd Azərbaycanın Avropa Şurası qarşısında götürdüyü öhdəliklərin icra vəziyyəti ilə tanış olmaqdır.
Səfər çərçivəsində qonaqlar rəsmi dövlət orqanlarında görüşlər keçirəcək, cəzaçəkmə müəssisələrinə baş çəkəcək, bölgələrə gedib milli azlıqların və bələdiyyələrin problemləri ilə maraqlanacaqlar.
Bölmənin digər xəbərləri
