Avropada yeraltı qaz anbarlarının doluluq səviyyəsi 92 faizi ötüb
Bakı, 31 avqust, AZƏRTAC
Avropa İttifaqında (Aİ) yeraltı qaz anbarlarının doluluq səviyyəsi 92,5 faizi ötüb.
AZƏRTAC “Gas Infrastructure Europe” Assosiasiyasının məlumatına istinadla xəbər verir ki, avqustun 28-nə Avropada qaz anbarlarının doluluq səviyyəsi sutkada 0,12 faiz artaraq 92,65 faiz təşkil edib. Anbarlarda olan qazın həcmi 102,3 milyard kubmetrə çatıb.
Qeyd edək ki, Rusiya-Ukrayna müharibəsindən əvvəl Aİ ölkələri təbii qazın 40 faizini Rusiyadan idxal edirdi. Müharibə nəticəsində Rusiyanın Aİ-yə təbii qaz nəqli kəskin şəkildə azaldı. Müharibənin başlaması ilə Aİ ölkələri yeraltı təbii qaz anbarlarının qış aylarına qədər doldurulmasını məcburi edəcək qanuni tənzimləmələr hazırladı. Bu çərçivədə, noyabrın 1-dək qaz anbarlarının 90 faizinin doldurulması nəzərdə tutulurdu.
Bölmənin digər xəbərləri
