Avropanın ən yüksək ödənişli on futbolçusu
Bakı, 8 fevral, AZƏRTAC
Avropada çıxış edən ən yüksək ödənişli on futbolçunun adları açıqlanıb.
AZƏRTAC xəbər verir ki, siyahıya “Barselona”nın argentinalı hücumçusu Lionel Messi başçılıq edir. O, ayda 8,3 milyon avro qazanır. “Yuventus”un portuqaliyalı ulduzu Kriştiano Ronaldo (4,7 milyon avro) ikinci, “Atletiko Madrid”in futbolçusu Antuan Qrizman (3,3 milyon avro) isə üçüncü yerdə qərarlaşıblar.
Digər pillələrdə müvafiq olaraq, Neymar (“Paris Sen-Jermen” - 3,06 milyon avro), Luis Suares (“Barselona” - 2,9 milyon avro), Qaret Beyl (“Real Madrid” - 2,5 milyon avro), Filippe Koutinyo (“Barselona” - 2,3 milyon avro), Aleksis Sançes (“Mançester Yunayted” - 2,28 milyon avro), Kilian Mbappe (“Paris Sen-Jermen” - 1,73 milyon avro), Məsut Özil (“Arsenal” - 1,6 milyon avro) yer alıblar.
Bölmənin digər xəbərləri
