Avstraliyada ağcaqanad virusları həyəcanı: yoluxmalar artır
Bakı, 13 fevral, AZƏRTAC
Avstraliyanın Şimali Kvinslend bölgəsində ağcaqanadlarla yayılan virusların artdığı bildirilir.
AZƏRTAC Ceyms Kuk Universitetinin məlumatına istinadla xəbər verir ki, ölkədə “Denge”, “Ross River” və “Barmah Forest” virusları üzrə yoluxmalar çoxalıb.
Məlumata görə, 2023–2024-cü illərdə ölkədə ağcaqanad mənşəli viruslara yoluxma halları təxminən iki dəfə artıb. Təkcə Kvinslenddə 2024-cü ildə 1701 “Ross River” və 378 “Denge” qızdırması halı qeydə alınıb, həmçinin bölgədə yapon ensefaliti virusları aşkarlanıb.
Alimlər bu artımı iqlim dəyişikliyi və urbanizasiya prosesləri ilə əlaqələndirirlər. Araşdırma “Virology” jurnalında dərc olunub.
Bölmənin digər xəbərləri
