Avtomobil qaçırmaqda şübhəli bilinən Tərtər rayon sakini tutularaq məsuliyyətə cəlb edilib
Bakı, 21 fevral, AZƏRTAC
Nizami Rayon Polis İdarəsinin 25-ci Polis Şöbəsinə Bakı şəhər sakini F.Həsənova məxsus “VAZ-2106” markalı avtomobilin fevralın 19-da Ə.Vəliyev küçəsindən qaçırılması barədə məlumat verilib.
Daxili İşlər Nazirliyinin mətbuat xidmətindən AZƏRTAC-a bildiriblər ki, nəqliyyat vasitəsini qaçırmaqda şübhəli bilinən Tərtər rayon sakini C.Hüseynov polis əməkdaşlarının keçirdikləri əməliyyat-axtarış tədbirləri nəticəsində Nəsimi rayon ərazisində avtomobillə birgə saxlanılıb.
Faktla bağlı araşdırma aparılır.
Bölmənin digər xəbərləri
