“Axios”: Trampın İsrailin Livanı bombalamağı qadağan etməsi ilə bağlı sözləri Netanyahunu təəccübləndirib
Bakı, 18 aprel, AZƏRTAC
ABŞ Prezidenti Donald Trampın İsrailin Livana əlavə hərbi hücumlar etməsini qadağan etməsi ilə bağlı açıqlaması İsrailin Baş naziri Binyamin Netanyahunu təəccübləndirib.
AZƏRTAC xəbər verir ki, bu barədə “Axios” portalı mənbələrə istinadla məlumat yayıb.
Mənbələrin sözlərinə görə, Netanyahu və onun köməkçiləri Prezidentin paylaşımından şoka düşüblər. “Axios”un qeyd etdiyinə görə, bu paylaşım İsrail və Livan arasında atəşkəs sazişinin mətni ilə ziddiyyət təşkil edir.
Portalın mənbələri bildirir ki, İsrail Ağ Evdən məsələyə aydınlıq gətirilməsini istəyib.
Xatırladaq ki, Tramp daha əvvəl “Truth Social” platformasında yazmışdı: “İsrail artıq Livanı bombalamayacaq. Onlara bunu etmək ABŞ tərəfindən qadağan edilib. Bəsdir!”.
Bölmənin digər xəbərləri
