Bakı, 10 may, AZƏRTAC

Hollandiyanın “Ayask” klubunun futbolçusu David Neres İngiltərənin “Liverpul” komandasının diqqət mərkəzinə düşüb.

AZƏRTAC xəbər verir ki, Mersisayd təmsilçisi 22 yaşlı hücumçunu transfer etmək niyyətindədir. Bu barədə “The Sun” nəşri məlumat yayıb.

Neresin Yurgen Kloppun yay transfer pəncərəsi dövründəki əsas hədəflərindən biri olduğu bildirilir. Braziliyalı futbolçunun transfer dəyəri 35 milyon avrodur.

“Ayaks”ın heyətində cari mövsüm 50 qarşılaşmada iştirak edən Neres 12 qol və 15 məhsuldar ötürmə ilə yadda qalıb.

Həmçinin Neres ilə iki London təmsilçisi – “Çelsi” və “Arsenal” da yaxından maraqlanır.