Azadlığın 20 Yanvar zirvəsi
Beyləqan, 18 yanvar (AZƏRTAC). Beyləqan şəhərindəki Heydər Əliyev muzeyində qanlı Yanvar faciəsinin 22-ci ildönümünə həsr olunmuş “Azadlığın 20 yanvar zirvəsi” mövzusunda tədbir keçirilmişdir.
AZƏRTAC xəbər verir ki, əvvəlcə Azərbaycanın müstəqilliyi və azadlığı uğrunda həlak olmuş şəhidlərimizin xatirəsi bir dəqiqəlik sükutla yad edilmişdir.
Heydər Əliyev muzeyinin direktoru Yeganə Məmmədova, faciənin şahidi, “Mil” qəzetinin redaktoru Elman İsrafiloğlu və başqaları tədbirdə çıxış edərək Azərbaycan tarixinin azadlıq mübarizəsinin və qəhrəmanlıq salnaməsinin parlaq səhifələrindən olan 20 Yanvar faciəsindən danışmış, qanlı hadisəyə siyasi-hüquqi qiymət verilməsində, şəhidlərin adının əbədiləşdirilməsində ümummilli lider Heydər Əliyevin tarixi xidmətlərindən bəhs etmişlər. Bildirmişdir ki, həmin gün xalqımız hərbi, siyasi, mənəvi təcavüzə məruz qalsa da, özünün Vətənə, torpağa sədaqətini, qəhrəmanlığını, azadlıq, müstəqillik uğrunda mübarizliyini bütün dünyaya nümayiş etdirmişdir.
Tədbirdə məktəblilərin ifasında ədəbi-bədii kompozisiya nümayiş olunmuşdur.
Bölmənin digər xəbərləri
