Azər Bağırov: “Zirə”nin futbolçuları mübarizələrdə keyfiyyət nümayiş etdirsələr, “Omoniya” üçün çətin olacaq
Bakı, 22 avqust, AZƏRTAC
“Zirə” avrokuboklarda çıxış edən istənilən komandaya qarşı yaxşı mübarizə aparmaq xarakterinə malikdir.
Bu sözləri AZƏRTAC-a açıqlamasında “Araz-Naxçıvan”ın sabiq baş məşqçisi Azər Bağırov UEFA Avropa Konfrans Liqasının pley-off mərhələsində “Zirə” – “Omoniya” komandaları arasında keçiriləcək oyun barədə danışarkən deyib.
Mütəxəssis bugünkü görüşdə təmsilçimizə inandığını bildirib: “Omoniya” bizə tanış rəqibdir. Daha əvvəl “Qarabağ” və “Qəbələ” ilə üz-üzə gəlib. Həmin komanda ilə indikini müqayisə etmək olmaz. Rəşad Sadıqovun əsas və ehtiyat qüvvəsi çox yaxşıdır. Ən önəmlisi odur ki, “Şerif”lə keçirilən ilk oyunda olan fərdi səhvləri təkrarlamamaqdır. Çünki kiçik diqqətsizlik oyunun taleyini təsir edə bilər. Mübarizələrdə keyfiyyət nümayiş etdirsək, rəqib üçün çətin olacaq”.
Qeyd edək ki, GSP stadionunda keçiriləcək “Omoniya” – “Zirə” görüşü Bakı vaxtı ilə saat 21:00-da başlayacaq.
Qarşılaşmanı Estoniyadan olan hakimlər briqadası idarə edəcək.
Komandalar arasında cavab matçı bir həftə sonra “Liv Bona Dea Arena”da oynanılacaq.
Bölmənin digər xəbərləri
