Azərbaycan ali təhsil məkanında ilk dəfə olaraq IBM Mərkəzi açılacaq
Naxçıvan, 26 dekabr, Gülməmməd Əliyev, AZƏRTAC
2024-cü ilin yanvar ayının ortalarında Naxçıvan Dövlət Universitetində (NDU) Azərbaycan ali təhsil məkanında ilk dəfə kompüter avadanlığı və proqram təminatı istehsalı və satışı üzrə ixtisaslaşmış beynəlxalq texnologiya şirkəti olan IBM-in (International Business Machines) mərkəzi açılacaq.
Bunu NDU-nun rektoru Elbrus İsayev AZƏRTAC-ın Naxçıvan bürosuna açıqlamasında bildirib.
O qeyd edib ki, IBM Mərkəzi universitetin daxilində institut formasında fəaliyyət göstərəcək. Məqsəd
universitet vasitəsilə beynəlxalq proqramlaşdırma təlimlərinə cəlb olunan tələbələrə, müəllimlərə, aidiyyəti və digər dövlət strukturlarında çalışan şəxslərə beynəlxalq sertifikatlar verməkdir. Artıq bunun üçün ayrıca ofis də hazırlanıb.
Bölmənin digər xəbərləri
