Azərbaycan boksçusu “Extra Round5” turnirində heç-heçə edib
Bakı, 16 dekabr, AZƏRTAC
“Qəbələ” idman klubunun boksçusu Zamiq Atakişiyev peşəkar rinqdə növbəti döyüşünü keçirib.
AZƏRTAC xəbər verir ki, 31 yaşlı idmançımız Rusiyanın Yekaterinburq şəhərində keçirilən “Extra Round5” turnirində iştirak edib.
Superağır çəki dərəcəsində rinqə çıxan Z.Atakişiyev Ukrayna təmsilçisi German Skobenko ilə üz-üzə gəlib. Altı raund davam edən döyüşdə qalib müəyyənləşməyib. Bu, boksçumuzun peşəkar rinqdə ilk heç-heçəsidir. Yekaterinburqdakı döyüşədək 4 qarşılaşmaya çıxan boksçumuz bütün rəqiblərinə qalib gəlib.
Bölmənin digər xəbərləri
