AZƏRBAYCAN, ÇİN, UKRAYNA VƏ ÖZBƏKİSTAN HÖKUMƏTLƏRİ GƏNCLƏR ARASINDA ƏLAQƏLƏRİN İNKİŞAFINDA MARAQLIDIRLAR
Azərbaycan Gənclər, İdman və Turizm nazirliyi Gürcüstan, Özbəkistan, Çin və Ukraynanın müvafiq idarələri ilə birlikdə gənclər arasında əlaqələri inkişaf etdirmək niyyətindədir.
Gənclər, İdman və Turizm nazirinin müavini İntiqam Babayev bildirmişdir ki, bu məqsədlə həmin ölkələrin müvafiq strukturları ilə müqavilə imzalanmışdır. Hazırda Misir Ərəb Respublikası ilə danışıqlar aparılır və yaxın vaxtlarda bu ölkə ilə də razılaşma əldə olunacaqdır. İmzalanmış sənədlərə görə tərəflər uşaqların, tələbələrin və gənc alimlərin qarşılıqlı istirahət, təcrübə və digər tədbirləri planını həyata keçirəcəklər.
Azərbaycan Gənclərin Elmi Araşdırmalar Mərkəzinin gənc alimləri bu yaxınlarda Ukraynada olmuş və təcrübə mübadiləsi keçmişlər. Yaxın vaxtlarda Ukraynanın da gənc alimləri Bakıya gələcəklər. Gənc alimlərin elmi axtarışlarına, dünyagörüşlərinin artırılmasına xidmət edən bu cür qarşılıqlı səfərlər Özbəkistanla da olacaq. Ukrayna, Özbəkistan, Çin və Azərbaycanlı məktəblilər əldə edilmiş razılığa əsasən yay tətilində bu ölkələrin istirahət guşələrində dincələcəklər.
Bölmənin digər xəbərləri
