Azərbaycan Dövlət Filarmoniyasında 20 Yanvar şəhidlərinin xatirəsinə həsr olunmuş gecə keçirilmişdir
Bakı, 19 yanvar (AZƏRTAC). Yanvarın 19-da Müslüm Maqomayev adına Azərbaycan Dövlət Filarmoniyasında 20 Yanvar şəhidlərinin xatirəsinə həsr olunmuş gecə keçirilmişdir.
AZƏRTAC xəbər verir ki, gecədə Üzeyir Hacıbəyli adına Azərbaycan Dövlət Simfonik Orkestri (bədii rəhbər və baş dirijor Rauf Abdullayev), Azərbaycan Dövlət Xor Kapellası (bədii rəhbər Gülbacı İmanova), Uşaq Xor Kapellası çıxış etmişlər. Xormeyster Dilarə Əliyeva olmuşdur.
Gecədə Q.Qarayevin “Matəm odası”, Q.Malerin 9-cu simfoniyası, K.Jenkisin “Rekviem”i səslənmişdir. Son iki əsər ilk dəfə ifa olunmuşdur.
Bölmənin digər xəbərləri
