Azərbaycan dövlətinin Həştərxanda həyata keçirdiyi layihələr yüksək qiymətləndirilib
Bakı, 9 dekabr, AZƏRTAC
Rusiya Federasiyasının Həştərxan şəhərinə işgüzar səfəri çərçivəsində Bakı şəhəri Nərimanov Rayon İcra Hakimiyyətinin başçısı Abdin Fərzəliyev Həştərxan vilayətinin qubernatoru Aleksandr Jilkin ilə görüşüb.
Nərimanov Rayon İcra Hakimiyyətindən AZƏRTAC-a bildirilib ki, görüşdə Azərbaycan ilə Rusiya arasındakı dostluq münasibətlərindən söhbət açılıb, sosial-iqtisadi və mədəni əlaqələrin daha da gücləndirilməsi məsələsi müzakirə olunub.
Söhbət zamanı Azərbaycan dövləti tərəfindən Həştərxan şəhərində reallaşdırılmış layihələr qeyd olunub. Heydər Əliyev Fondunun təşəbbüsü ilə Həştərxanda görülən işlər xüsusi vurğulanıb. Bildirilib ki, indiyədək vilayətdə görülən genişmiqyaslı işlər həm də Azərbaycan-Rusiya münasibətlərinin inkişafına mühüm töhfədir.
Görüşdə gələcəkdə də belə layihələrin reallaşdırılması barədə fikir mübadiləsi aparılıb.
Bölmənin digər xəbərləri
