AZƏRBAYCAN GÖMRÜKÇÜLƏRİ İLİN BİRİNCİ YARISINDA YÜKSƏK GÖSTƏRİCİLƏR ƏLDƏ ETMİŞLƏR
Gömrük sərhədindən qanunsuz keçirilməsinin qarşısı alınan qaçaqmalçılıq əşyalarının dəyəri 773 milyon 302 min manat olmuşdur.
Altı ay ərzində narkotik vasitələrin qaçaqmalçılığı ilə əlaqədar 50 fakt (2003-cü ilin eyni dövrü ilə müqayisədə 8 fakt çox) aşkar edilmiş, 15 kiloqram 369 qram narkotik, o cümlədən 6 kiloqram 994,94 qram tiryək, 6 kiloqram 80,267 qram marixuana, 821,9 qram həşiş, 612,449 qram heroin, 2152 ədəd psixotrop maddə (ampul, kapsul, həb şəklində) tutulmuşdur.
İlin əvvəlindən bəri gömrük qaydaları əleyhinə 1210 inzibati xəta faktı üzrə 162 hüquqi şəxs (o cümlədən 39 xarici hüquqi şəxs) və 1060 fiziki şəxs (o cümlədən 350 xarici fiziki şəxs) inzibati məsuliyyətə cəlb edilmişdir. Bu faktlar üzrə həmin şəxslərə qarşı 1 milyard 544 milyon 517 min manat cərimə tətbiq edilmiş, habelə 510 milyon 287 min manat dəyərində mallar müsadirə olunmuşdur.
Altı ay ərzində hüquqpozma faktı kimi 138 qram qızıl, 18 kiloqram 908 qram gümüş, 15800 ABŞ dolları, 990 qram palladium maddəsi, 1 ədəd tarixi əhəmiyyət kəsb edən skripka, 50739 kiloqram əlvan metallar, o cümlədən 15534 kiloqram mis, 8802 kiloqram alüminium, 492 kiloqram balıq kürüsü, 6505 litr neft məhsulu, 58607 litr spirt, 837 ədəd spirtli içki, 1 milyon 163 min 640 ədəd xaricdə istehsal olunmuş siqaret, müxtəlif geyim əşyaları, külli miqdarda dərman preparatları və digər mallar gömrük orqanları tərəfindən tutularaq müvafiq tədbir görülmüşdür.
Bölmənin digər xəbərləri
