AZƏRBAYCAN HƏRBÇİLƏRİ NATO-NUN TƏDBİRLƏRİNDƏ İŞTİRAK EDİR
Müdafiə Nazirliyinin mətbuat xidmətindən AZƏRTAC-a bildirmişlər ki, NATO-nun “Sülh naminə tərəfdaşlıq” Proqramı çərçivəsində mayın 22-dən 26-dək Almaniyanın Oberammerqau şəhərində “Terrorizmdən müdafiə” və “Böhranların idarə olunması” kursları, Moldovanın Kişinyov şəhərində “Kooperativ Longbow Lancer 2006” təliminin yekun planlaşdırma konfransı, mayın 22-dən iyunun 2-dək Macarıstanın paytaxtı Budapeştdə “İngilis dili müəllimləri üçün hərbi terminologiya” təlim seminarı, mayın 23-dən 24-dək Ukraynanın Sevastopol şəhərində “Kooperativ Marlin 2006” təliminin yekun planlaşdırma konfransı keçirilir.
NATO ilə Azərbaycan Respublikası arasında imzalanmış fərdi proqrama əsasən, tədbirlərdə Silahlı Qüvvələrimizin nümayəndələri də iştirak edirlər.
Bölmənin digər xəbərləri
