AZƏRBAYCAN İLƏ RUSİYA ARASINDA PUL BARATIMÜBADİLƏSİ POÇT ŞÖBƏLƏRİNDƏ APARILACAQ
Rabitə və İnformasiya Texnologiyaları Nazirliyinin Azərpoçt Dövlət Müəssisəsindən AZƏRTAC-a bildirmişlər ki, bu yaxınlarda Rusiya Federasiyasının Poçt Müdiriyyəti ilə bağlanmış müqaviləyə əsasən, iki ölkə arasında elektron pul baratlarının göndərilməsi və qəbulu daha da asanlaşdırılmış və bu əməliyyatların təkcə banklarda deyil, poçt şöbələrində də həyata keçirilməsinə başlanmışdır. Bundan sonra Rusiyanın istənilən ərazisində yaşayan soydaşlarımız bu ölkənin bütün poçt şöbələrindən Azərbaycana pul baratları göndərə və qəbul edə biləcəklər. Eləcə də, respublikamızın istənilən şəhər və rayonunda vətəndaşlar pul baratlarının göndərilməsi və qəbul edilməsinin yeni qaydalarından yararlanacaqlar.
Bölmənin digər xəbərləri
