AZƏRBAYCAN İLƏ TÜRKİYƏNİN DOSTLUQ VƏ QARDAŞLIQ MÜNASİBƏTLƏRİ ZAMANIN SINAĞINDAN ÇIXMIŞDIR
Azərbaycanın qardaş Türkiyənin hər bir uğuruna sevindiyini, nailiyyətlərindən qürur duyduğunu vurğulan dövlətimizin başçısı, xalqlarımızın tarixi birliyi və yekdil iradəsinin bu gün dövlətlərarası münasibətlərimizin, müttəfiqliyimizin yüksək səviyyəsində öz parlaq ifadəsini tapdığını bildirmişdir. Azərbaycan Prezidenti demişdir: “Bu gün Türkiyə hərtərəfli inkişaf yolu ilə irəliləyərək öz tarixi köklərini, milli özgürlüyünü qoruyub saxlayan, ümumbəşəri dəyərləri bölüşən bir dövlət kimi dünya birliyində layiqli yer tutur. Biz Türkiyənin qüdrətinin artmasını, yüksəlişini öz uğurumuz kimi qəbul edirik”.
Ölkəmizin başçısı əmin olduğunu bildirmişdir ki, biz zamanın sınağından çıxmış möhkəm dostluq və qardaşlıq münasibətlərimizi bundan sonra da daim uca tutacaq və öz əməllərimizdə yaşadacağıq.
Azərbaycan Prezidenti qardaş Türkiyə xalqına sülh və firavanlıq arzulamışdır.
Bölmənin digər xəbərləri
