Azərbaycan kikboksçusu dünya çempionu titulu uğrunda mübarizə aparacaq
Bakı, 27 iyun, AZƏRTAC
Azərbaycanın və "Qəbələ" idman klubunun kikboksçusu Alim Nəbiyev növbəti qələbəsini qazanıb.
AZƏRTAC kluba istinadla xəbər verir ki, təmsilçimiz 2017-ci ildə ilk döyüşünü Çində keçirib.
A.Nəbiyev kikboksinq üzrə "Kunlun Fight" turnirinə uğurla start verib. O, çinli idmançı Çanq Yanqla qarşılaşıb. İdmançımız hər üç raundda rəqibindən üstün olduğu döyüşdən 30:27 hesablı qələbə ilə ayrılıb.
Bununla da A.Nəbiyev "Kunlun Fight"ın dünya çempionu titulu uğrunda növbəti turnirdə mübarizə aparmaq imkanı qazanıb.
Bölmənin digər xəbərləri
