Azərbaycan “Orta Volqa – Xəzər. Nəqliyyat-logistika potensialı” forumunda təmsil olunacaq
Bakı, 17 oktyabr, AZƏRTAC
“Orta Volqa - Xəzər. Nəqliyyat-logistika potensialı” Regionlararası İqtisadi Forumu noyabrın 1-də Rusiyanın Ulyanovsk şəhərində keçiriləcək.
AZƏRTAC xəbər verir ki, forumda aparıcı logistika və nəqliyyat şirkətlərinin nümayəndələri, gəmi sahibləri, eləcə də Rusiya, Azərbaycan, Türkmənistan, İran, Hindistan, Birləşmiş Ərəb Əmirlikləri və Səudiyyə Ərəbistanından olan və maliyyə xidmətləri göstərən şirkətlər və təşkilatlar bir araya gələcəklər.
“Şimal-Cənub” Beynəlxalq nəqliyyat dəhlizinin tərkib hissəsi olan “Orta Volqa-Xəzər-Fars körfəzi” iri logistika layihəsinin potensialının inkişafı əsas müzakirə mövzusu olacaq.
Tədbirin proqramına Rusiyanın su yollarının və multinəqliyyat logistika infrastrukturunun təşkili məsələləri, beynəlxalq əməliyyatların xüsusiyyətləri, ticarət maliyyələşdirmə vasitələri, ticarət yük balansının təmin edilməsi və logistikanın maya dəyərinin azaldılması amili kimi "Geri Yükləmə"nin təşkilinin problemləri və perspektivləri daxildir.
Tədbir “Kiçik və orta sahibkarlıq” və “Beynəlxalq əməkdaşlıq və ixrac” milli layihələr çərçivəsində “Mənim biznesim” mərkəzinin dəstəyi ilə Ulyanovsk vilayətinin hökuməti və “Afanasiy Nikitin” assosiasiyası tərəfindən təşkil olunur.
Bölmənin digər xəbərləri
