Azərbaycan Premyer Liqası: Bu mövsüm eyni göstərici beşinci dəfə təkrarlanıb
Bakı, 14 fevral, AZƏRTAC
Azərbaycan Premyer Liqasının XXII turunda qapılara 15 qol vurulub.
AZƏRTAC Peşəkar Futbol Liqasının rəsmi saytına istinadən xəbər verir ki, “Qarabağ” - “Sabah” (3:3), “Kəpəz” - “Səbail” (1:4), “Turan Tovuz” - “Qəbələ” (2:1) və “Araz-Naxçıvan” - “Neftçi” (1:0) oyunlarında qollar qeydə alınıbsa, “Zirə” - “Sumqayıt” qarşılaşması 0:0 hesabı ilə yekunlaşıb.
Beş görüşdə orta hesabla 3 top vurulub. 2023-2024-cü illər mövsümündə 5-ci dəfə bu göstərici ən azı 3-ə bərabər olub.
Rekord X və XVI turlarda gerçəkləşib. Həmin vaxt 19 qol qeydə alınıb. Premyer Liqa klubları XII turda 16, I turda isə 15 dəfə fərqləniblər.
Bölmənin digər xəbərləri
