Azərbaycan-Qırğızıstan əlaqələrinin genişləndirilməsi məsələləri müzakirə edilib
Bişkek, 9 iyun, AZƏRTAC
Azərbaycanın Qırğızıstandakı səfiri Hidayət Orucov bu ölkənin Prezident Aparatı rəhbərinin müavini, xarici siyasət şöbəsinin müdiri Sapar İsakovla görüşüb.
Görüşdə Azərbaycanla Qırğızıstan arasında əlaqələrin genişləndirilməsi, müxtəlif sahələrdə əməkdaşlığın perspektivləri ilə bağlı müzakirələr aparılıb.
Səfir bildirib ki, son illərdə ölkələrimiz arasında ticari-iqtisadi, müdafiə, mədəniyyət və digər sahələrdə əməkdaşlıq genişlənir. Bununla belə, əlaqələrin daha da dərinləşdirilməsi üçün istifadə edilməmiş potensial var və bundan yararlanmaq zəruridir.
S.İsakov Azərbaycanın son illərdəki uğurlarını qeyd edib, ölkələrimiz arasında müxtəlif sahələrdə əməkdaşlığın dərinləşdirilməsində, xüsusilə iqtisadi sahədə birgə layihələrin həyata keçirilməsində Qırğızıstan tərəfinin maraqlı olduğunu vurğulayıb.
Qulu Kəngərli
AZƏRTAC-ın xüsusi müxbiri
Bişkek
Bölmənin digər xəbərləri
