Azərbaycan qiymətləndiriciləri tərəfindən hazırlanmış “standart” layihəsi təsdiq edilib
Bakı, 22 may, AZƏRTAC
Qəbələ rayonunda Avrasiya Qiymətləndiricilər Birlikləri Assosiasiyasının və Azərbaycan ərazilərinin Ermənistanın silahlı təcavüzü nəticəsində məruz qaldığı itki və tələfatların qiymətləndirilməsi üzrə İşçi Qrupunun təşkilatçılığı ilə “Müasir qiymətləndirmə fəaliyyətindəki normativ-hüquqi boşluqlar və onların təminatı məsələləri” mövzusuna həsr edilmiş 14-cü Beynəlxalq konqres işini başa çatdırıb.
AZƏRTAC xəbər verir ki, konqresdə Milli Məclisin deputatı Xanhüseyn Kazımlı Avrasiya Qiymətləndiricilər Birlikləri Assosiasiyasının sədri seçilib.
Müxtəlif ölkələrdən olan qonaqlar çıxış edərək, beynəlxalq səviyyəli münaqişələrin ildən-ilə çoxalmasını və bunlara dünya birliyi tərəfindən ikili yanaşmaları nəzərə alaraq, günahkarların cəzalandırılmasına imkan verən və Azərbaycan qiymətləndiriciləri tərəfindən hazırlanmış “standart” layihəsinin təsdiq edilməsi barədə dəyərli fikirlər söyləyiblər.
Beynəlxalq tədbirdə “standart” layihəsi Assosiasiya tərəfindən təsdiq edilib.
Bölmənin digər xəbərləri
