İDMAN
Azərbaycan Qran-Prisində F1 pilotları ilə “Fan Forum” təşkil olunub
Bakı, 29 aprel, AZƏRTAC
Formula 1 Azərbaycan Qran-Prisi çərçivəsində Formula 1 pilotlarının iştirakı ilə “Fan Forum” baş tutub.
AZƏRTAC xəbər verir ki, yarış həftəsi zamanı Formula 1 azarkeşlərinin həyəcanla gözlədikləri pilotlarla görüş - Fan Forum Dənizkənarı Bulvar ərazisində yerləşən Fanzonada keçirilib. Burada yerləşən səhnədə təşkil olunan sessiyada dünyaşöhrətli F1 pilotları avtoidman həvəskarları ilə görüşüb. Komandalar üçün ayrılmış 20 dəqiqə ərzində azarkeşlər səhnədəki F1 ulduzlarını yaxından görmək imkanı əldə ediblər.
Cümə və şənbə günü keçirilən tədbirdə bütün F1 komandaları - “Alpha Tauri”, “Williams”, “Ferrari”, “Haas”, “Red Bull”, “Mercedes”, “Alpine”, “Mclaren”, “Aston Martin” və “Alfa Romeo” komandalarının pilotları iştirak ediblər.
Bölmənin digər xəbərləri
