AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Atanızın – bir neçə onilliklər ərzində Azərbaycanın lideri olmuş Heydər Əliyevin vəfatı ilə əlaqədar peterburqlular adından Sizə və bütün Azərbaycan xalqına dərin hüznlə başsağlığı verirəm.
Bütün dünyada hörmət qazanmış görkəmli dövlət xadimi həyatdan getdi. O, Azərbaycanla Rusiya arasında dostluq, tərəfdaşlıq münasibətlərinin bünövrəsini qoymuşdur. Onun Müstəqil Dövlətlər Birliyinin təşəkkülündə xidməti böyükdür.
Heydər Əliyevin taleyi Leninqradla, Sankt-Peterburqla sıx bağlı idi, bütün ömrü boyu bu şəhəri unutmamışdır.
Peterburqlular bu itkinin acısını Azərbaycan xalqı ilə bölüşürlər.
Valentina Matviyenko
Sankt-Peterburqun qubernatoru
Sankt-Peterburq, 16 dekabr 2003-cü il
Bölmənin digər xəbərləri
