AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Hörmətli cənab Prezident,
Zati-alilərinizi yenidən Azərbaycan Respublikasının Prezidenti seçilməyiniz münasibətilə səmimi qəlbdən təbrik edir və bu şərəfli vəzifənin icrasında Sizə uğurlar arzulayıram.
Ölkələrimiz arasındakı münasibətlər zati-alilərinizin Prezidentliyinin birinci dövründə xeyli dərinləşmişdir. Bizim əlaqələrimiz sırf siyasi müstəvini aşaraq, ilk növbədə, enerji sahəsində, habelə iqtisadi, mədəni və hərbi sahələrdə əməkdaşlığı əhatə etmişdir.
Polşa Respublikası Azərbaycan Respublikasının Avropa və Avratlantik strukturlarla, habelə GUAM kimi müxtəlif regional qurumlarla əlaqələrinin daha da dərinləşməsini dəstəkləyir və bundan sonra da dəstəkləyəcəkdir. Diqqətinizə çatdırmaq istərdim ki, bu sahələrdə Siz mənim dəstəyimə əmin ola bilərsiniz.
İstər Sizin Azərbaycan Respublikasının Prezidenti olduğunuz dövrdə, istərsə də gələcəkdə Polşa-Azərbaycan əməkdaşlığının, dövlət başçıları səviyyəsində mövcud olan əlaqələrimizin daha da inkişaf edəcəyinə, ölkələrimiz arasında münasibətlərin daha da yaxşılaşacağına və genişlənəcəyinə ümidvar olduğumu bir daha bildirmək istərdim.
Lex KAÇİNSKİ
Polşa Respublikasının Prezidenti
Bölmənin digər xəbərləri
