RƏSMİ XRONİKA
AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Cənab Prezident,
Prezident seçkilərində qazandığınız uğur münasibətilə Sizə ən səmimi təbriklərimi çatdırır və fürsətdən istifadə edərək bir daha şəxsən Sizə öz fəaliyyətinizdə nailiyyətlər, Azərbaycan xalqına isə ən xoş arzularla sülh və firavanlıq diləyirəm.
Mən inanıram ki, sıx işbirliyimiz sayəsində biz əməkdaşlıq sahələrinin çoxalması istiqamətində ümumi səylərimizi artıraraq, ölkələrimizin iqtisadi potensialının gücləndirilməsinə, o cümlədən Qara dəniz regionunda əməkdaşlığın genişləndirilməsinə nail olacağıq.
Mən əminəm ki, Sizin Buxarestə edəcəyiniz səfər aramızda mövcud olan əməkdaşlıq əlaqələrinin daha da dərinləşməsinə və genişlənməsinə həlledici təkan verəcək, bu əlaqələri strateji tərəfdaşlıq səviyyəsinə yüksəldəcəkdir.
Prezident seçkilərində qazandığınız qələbə münasibətilə, cənab Prezident, Sizi bir daha təbrik edir, ən yüksək hörmət və ehtiramımı qəbul etməyinizi xahiş edirəm.
Trayan BESESKU
Rumıniyanın Prezidenti