RƏSMİ XRONİKA
AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Hörmətli İlham Heydər oğlu!
Azərbaycan Respublikası Prezidenti seçkilərində inamlı qələbəniz münasibətilə Sizi ürəkdən təbrik edirəm.
Sizin həyata keçirdiyiniz, sabit suveren dövlət qurulmasına yönəlmiş siyasət Azərbaycan vətəndaşlarının şəksiz dəstəyini qazanmışdır.
Belarus və Azərbaycan xalqlarını sülh və əmin-amanlıq şəraitində yaşamaq, ölkələrimizin firavanlığı naminə açıq və qarşılıqlı hörmətə əsaslanan dialoq aparmaq istəyi birləşdirir. Əminəm ki, ali dövlət vəzifəsində Sizin bundan sonrakı fəaliyyətiniz Azərbaycanın sosial-iqtisadi inkişafına, onun beynəlxalq nüfuzunun artmasına, Belarus-Azərbaycan əlaqələrinin bütün istiqamətlərdə möhkəmlənməsinə kömək edəcəkdir.
Hörmətli İlham Heydər oğlu, Sizə səmimi qəlbdən möhkəm cansağlığı və nəzərdə tutduğunuz bütün planların həyata keçməsini, dost Azərbaycan xalqına isə sülh və firavanlıq diləyirəm.
Hörmətlə,
Aleksandr Lukaşenko
Belarus Respublikasının Prezidenti