RƏSMİ XRONİKA
AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Hörmətli cənab Prezident,
Azərbaycan Respublikası Prezidenti seçkilərində qalib gələrək, ikinci müddətə Azərbaycan Respublikasının Prezidenti seçilməyiniz münasibətilə Sizi təbrik etməkdən böyük məmnunluq duyuram. Missiyanızın mühüm və məsul vəzifələrini davam etdirməkdə Sizə uğurlar arzulayıram.
Əminəm ki, biz Litva ilə Azərbaycan arasında olan xüsusi münasibətləri daha yüksək səviyyəyə qaldıracaq, siyasi və şəxsi dialoqumuzun daha da intensiv və dinamik olması istiqamətində birlikdə gördüyümüz işi davam etdirəcəyik.
Azərbaycanın Avropa İttifaqı ilə münasibətlərinin və əməkdaşlığının möhkəmləndirilməsində Sizə bundan sonra da qətiyyət və çeviklik arzulayıram. Tam inanıram ki, bizim tərəfdaşlığımız yüksələcək və inkişaf edəcəkdir. Azərbaycanın enerji sahəsindəki təcrübəsi və gələcək perspektivləri bu tərəfdaşlığın mükəmməl bünövrəsidir.
Şübhə etmirəm ki, Siz şəxsi nümunəniz, fədakarlığınız və ardıcıl səylərinizlə həyata keçirilməsi vacib olan daxili islahatların davam etdirilməsi, firavan və təhlükəsiz dövlət yaradılması, beynəlxalq ictimaiyyətlə dialoqun gücləndirilməsi və regional təşəbbüslərin həyata keçirilməsi kimi ümumi əsas məqsədlər naminə Azərbaycan xalqını birləşdirəcəksiniz.
Cənab Prezident, Sizi təbrik edirəm və əminəm ki, görüşmək və ölkələrimiz üçün çox vacib olan ikitərəfli məsələləri müzakirə etmək üçün gözəl imkanlar çox olacaqdır. Sizə olan ən yüksək hörmət və ehtiramımı qəbul etməyinizi xahiş edirəm.
Valdas Adamkus
Litva Respublikasının Prezidenti