AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Çox hörmətli İlham Heydər oğlu!
Yenidən ali dövlət vəzifəsinə - Azərbaycan Respublikasının Prezidenti vəzifəsinə seçilməyiniz münasibətilə səmimi təbriklərimi qəbul edin.
Ürəkdən inanıram ki, Azərbaycan xalqı ölkənin sosial-iqtisadi inkişafı, əhalinin həyat səviyyəsinin yüksəldilməsi və beynəlxalq aləmdə Azərbaycanın mövqelərinin daha da möhkəmləndirilməsi xəttini davam etdirməyin ardıcıl tərəfdarı kimi özünü göstərmiş bir insana yenidən etimad göstərməklə düzgün seçim etmişdir.
Əmin olduğumu bildirirəm ki, Azərbaycan Birlik məkanında inteqrasiya proseslərinin möhkəmləndirilməsində bundan sonra da fəal rol oynayacaqdır.
Çox hörmətli İlham Heydər oğlu, Sizə səmimi qəlbdən möhkəm cansağlığı, xoşbəxtlik, firavanlıq və Azərbaycan xalqının rifahı naminə bütün niyyətlərinizin və təşəbbüslərinizin gerçəkləşməsini arzulayıram.
Dərin hörmətlə,
Sergey Lebedev
MDB-nin İcraiyyə Komitəsinin sədri-icraçı katibi
Bölmənin digər xəbərləri
