AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Hörmətli İlham Heydər oğlu!
Sizi yenidən Azərbaycan Respublikasının Prezidenti vəzifəsinə seçilməyiniz münasibətilə ürəkdən təbrik edirəm. Seçkilərdə inamlı qələbəniz Sizin rəhbərliyiniz altında həyata keçirilən sosial-iqtisadi islahatların, Azərbaycanın xarici siyasət xəttinin xalq tərəfindən geniş şəkildə dəstəklənməsini göstərir.
Məmnunluqla vurğulayırıq ki, siyasi dialoqun daha da dərinləşməsi, iqtisadi əməkdaşlığın və humanitar əlaqələrin güclənməsi, regional məsələlərdə və beynəlxalq təşkilatlarda, ilk növbədə, MDB-də qarşılıqlı fəaliyyətin genişlənməsi sayəsində dövlətlərimiz arasındakı strateji tərəfdaşlıq münasibətləri getdikcə dolğunlaşır. Əminəm ki, belə birgə işimiz hər iki ölkənin xalqlarının ümdə mənafelərinə cavab verir, Qafqazda sülhə və inkişafa xidmət edir.
Bu yaxınlarda Sizinlə Moskvadakı görüşümüzü səmimiyyətlə xatırlayıram və səmərəli əlaqələrimizi davam etdirməyə şad olacağam.
Hörmətli İlham Heydər oğlu, Sizə möhkəm cansağlığı, xoşbəxtlik və uğurlar, dost Azərbaycanın bütün vətəndaşlarına isə sülh və firavanlıq arzu edirəm.
Hörmətlə,
Dimitri Medvedev
Rusiya Federasiyasının Prezidenti
Bölmənin digər xəbərləri
