AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Hörmətli İlham Heydər oğlu,
Azərbaycan Respublikasının Prezidenti kimi ali vəzifəyə yenidən seçilməyiniz münasibətilə ən səmimi təbriklərimi qəbul edin.
Seçkilərdə inamlı qələbəniz Sizin rəhbərliyiniz altında həyata keçirilən, dost Azərbaycanın tərəqqisinə, onun qardaş xalqının rifahına və beynəlxalq aləmdə dövlətinizin nüfuzunun durmadan artmasına yönəldilmiş siyasətin geniş şəkildə və şəksiz dəstəklənməsinin sübutudur.
Tacikistanda Sizi sıx tarixi dostluq telləri ilə bağlı olan ölkələrimiz arasında tərəfdaşlıq münasibətlərinin yüksələn xətlə inkişaf etdirilməsinin qəti tərəfdarı kimi tanıyırlar. Əminəm ki, Tacikistanın və Azərbaycanın hər iki xalqın ümdə maraqlarına cavab verən çoxşaxəli qarşılıqlı əlaqələri bundan sonra da genişlənəcək, yeni-yeni sahələri əhatə edəcəkdir. Bundan ötrü Sizinlə birlikdə zəruri səyləri göstərməyə hazıram.
Hörmətli İlham Heydər oğlu, Sizə möhkəm cansağlığı, xoşbəxtlik və çoxşaxəli fəaliyyətinizdə yeni uğurlar arzulayıram.
Səmimiyyətlə,
Emoməli Rəhmon
Tacikistan Respublikasının Prezidenti
Bölmənin digər xəbərləri
