AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Möhtərəm cənab Prezident!
Son illərdə quruculuq fəaliyyətinizin nəticəsi olaraq qardaş Azərbaycan xalqının etimad göstərərək, Sizi yenidən Azərbaycan Respublikasının Prezidenti seçməsi münasibətilə Zati-alinizə ən səmimi təbriklərimi bildirməkdən məmnunluq duyuram.
Bu münasibətlə Zati-alinizi şəxsən öz adımdan, İordaniya Haşimilər Krallığının xalqı və Hökuməti adından səmimi qəlbdən təbrik edirəm. Qardaş ölkələrimiz və xalqlarımız arasında müxtəlif sahələrdə müştərək maraqlarımızın həyata keçirilməsi naminə əməkdaşlıq əlaqələrimizin daha da inkişafına ümid edərək, Sizin rəhbərliyiniz altında Azərbaycan xalqının tərəqqi və inkişafa nail olacağına əminliyimi bildirirəm.
Allah-Taaladan Sizə cansağlığı, uzun ömür diləyir, qardaş Azərbaycan xalqına isə tərəqqi, xoşbəxtlik və rifah arzu edirəm.
Vas-sələmu aleykum və rəhmətullahi və bərəkatuhu!
Qardaşınız,
Kral II Abdullah ibn Hüseyn
İordaniyanın Kralı
Bölmənin digər xəbərləri
