AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Azərbaycan Respublikasının Prezidenti vəzifəsinə yenidən seçilməyiniz münasibətilə Sizə ən səmimi təbriklərimi çatdırmaqdan böyük məmnunluq duyuram. Sizə ən xoş arzularımı yetirir, möhkəm cansağlığı, səadət və xalqınızın gələcək tərəqqisi və inkişafına yönəlmiş müdrik rəhbərliyinizdə və səylərinizdə davamlı uğurlar diləyirəm.
Yeni müddətə Prezident seçilməyiniz xalqınızın Sizin rəhbərliyinizə aşkar inamının sübutudur. Bu, eyni zamanda, gələcək tərəqqi və davamlı inkişafa nail olmaq üçün Sizin rəhbərliyinizlə həyata keçirilən siyasi, iqtisadi və sosial islahatlara xalqınızın dərin inamını nümayiş etdirir.
Bu xoş fürsətdən istifadə edib, Zati-alinizə bildirirəm ki, ölkələrimizin səmərəli əməkdaşlığının möhkəmləndirilməsi və sıx həmrəyliyi üçün gördüyümüz işləri Sizinlə davam etdirməyi çox istərdim. Xalqlarımızı birləşdirən sıx, qardaş islam əlaqələrinin, ümmətimizi və xalqlarımızı inkişaf etdirmək üçün münasibətlərimizin bütün sahələrdə genişlənməsini səmimiyyətlə arzulayıram.
VI Məhəmməd
Mərakeş Kralı
Bölmənin digər xəbərləri
