AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Hörmətli İlham Heydər oğlu!
Sizin yenidən Azərbaycan Respublikasının Prezidenti vəzifəsinə seçilməyiniz münasibətilə ən səmimi və ürəkdən gələn təbriklərimi qəbul edin.
Əminəm ki, Sizə xas olan və xalqınızın yüksək qiymətləndirdiyi siyasətçi və dövlət xadimi keyfiyyətləriniz bundan sonra da Azərbaycanın tərəqqisinə xidmət edəcəkdir.
Qeyd etmək istəyirəm ki, bizim ölkələr arasındakı ənənəvi dostluq münasibətləri hazırda daha konstruktiv xarakter kəsb etməklə möhkəmlənməkdədir. Əminəm ki, biz birgə səylərimizlə və qarşılıqlı dəstək sayəsində son görüşlərimiz zamanı nəzərdə tutduğumuz məqsədləri və əldə edilmiş razılaşmaları həyata keçirə biləcəyik.
Hörmətli İlham Heydər oğlu, icazə verin, fürsətdən istifadə edərək, Sizə möhkəm cansağlığı, xoşbəxtlik və bütün təşəbbüslərinizin həyata keçirilməsində böyük uğurlar diləyim.
Hörmətlə,
Vladimir Voronin
Moldova Respublikasının Prezidenti
Kişinyov, 17 oktyabr 2008-ci il.
Bölmənin digər xəbərləri
