AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Hörmətli İlham Heydər oğlu!
Azərbaycan Respublikası Prezidenti seçkilərində inamlı qələbəniz münasibətilə Sizi Rusiya Federasiyası Federal Məclisinin Federasiya Şurası adından ürəkdən təbrik edirəm.
Ümumxalq səsverməsinin yekunları Sizin həyata keçirdiyiniz və demokratiyanın hərtərəfli inkişafına, ölkənin siyasi və iqtisadi sabitliyinin təmin edilməsinə, beynəlxalq birlikdə onun mövqelərinin möhkəmlənməsinə, Azərbaycan Respublikası vətəndaşlarının rifahının yüksəldilməsinə yönəlmiş xəttin xalq tərəfindən şəksiz dəstəklənməsini bir daha təsdiq etdi.
Sizə möhkəm cansağlığı və Azərbaycan xalqına xidmət naminə yeni uğurlar diləyirəm.
Hörmətlə,
Sergey Mironov
Rusiya Federasiyası Federal Məclisinin
Federasiya Şurasının sədri
Bölmənin digər xəbərləri
