AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Hörmətli cənab Prezident,
Azərbaycan Respublikasının Prezidenti vəzifəsinə yenidən seçilməyiniz münasibətilə Sizə ən səmimi təbriklərimi və ən xoş arzularımı yetirirəm. Azərbaycan xalqı tərəfindən Sizə göstərilən etimad ölkənizin rifahı uğrunda və Azərbaycan xalqının daha da böyük tərəqqisi naminə bundan öncə başladığınız uğurlu və nəcib fəaliyyətinizi davam etdirməyə imkan verir.
Azərbaycan bizim üçün Qafqaz regionunda çox mühüm tərəfdaşdır və ölkələrimiz arasındakı əməkdaşlıq bu il ən yüksək səviyyədə keçirilmiş dövlət səfərləri nəticəsində yeni bir vüsət almışdır. Mən Budapeştdə və Bakıda apardığımız səmərəli danışıqları böyük məmnunluq hissi ilə xatırlayıram.
Göstərdiyiniz qonaqpərvərliyə layiqincə cavab verə biləcəyimə ümid edərək, cənab Prezident, Sizi 2009-cu ilin yanvar ayında Budapeştdə keçirilməsi nəzərdə tutulan Nabukko Sammitinə dəvət edir və Sizinlə görüşəcəyimizə inanıram.
Sizə fəaliyyətinizdə uğurlar və növbəti prezidentlik dövründə möhkəm cansağlığı diləyirəm.
Ferenç Dyurçan
Macarıstan Respublikasının Baş naziri
22 oktyabr 2008-ci il.
Bölmənin digər xəbərləri
