AZƏRBAYCAN ŞAHMAT FEDERASİYASININ YENİ PREZİDENTİ SEÇİLMİŞDİR
AZƏRTAC xəbər verir ki, aprelin 13-də Milli Olimpiya Komitəsində Azərbaycan Şahmat Federasiyasının (AŞF) iclası keçirilmişdir.
İclasda Milli Bankın idarə heyətinin sədri Elman Rüstəmov Azərbaycan Şahmat Federasiyasının yeni prezidenti seçilmişdir.
Gənclər və idman naziri Azad Rəhimov bildirmişdir ki, uzun müddət AŞF-yə rəhbərlik etmiş Aynur Sofiyeva başqa vəzifəyə keçdiyi üçün o istefa ərizəsi vermişdir. Nazir Aynur Sofiyevanın AŞF-nin İcraiyyə Komitəsinin üzvü seçilməsini təklif etmişdir.
Azərbaycanda güclü şahmatçıların olduğunu deyən Elman Rüstəmov, ölkədə şahmatı daha da inkişaf etdirmək üçün çox işlərin görülməsinin vacibliyini bildirmişdir.
Bölmənin digər xəbərləri
