AZƏRBAYCAN TENNİSÇİLƏRİ ERMƏNİSTAN KOMANDASINI MƏĞLUB ETMİŞLƏR
Moskvada xaricdə yaşayan rusiyalıların ənənəvi uşaq idman oyunları keçirilir. Azərbaycanın Rus icmasının və Bakı şəhər Gənclər və İdman Baş İdarəsinin dəstəyi ilə 30 nəfər idmançıdan ibarət Azərbaycan komandası da yarışarda iştirak edir.
Bakı şəhər Gənclər və İdman Baş İdarəsindən AZƏRTAC-a bildirmişlər ki, stolüstü tennis yarışlarında Azərbaycan komandası Ermənistan millisini 1:0 hesabı ilə məğlub etmişdir.
Mini futbol üzrə yarışlarda Azərbaycan yığması Polşa millisni 7:1, Sloveniya komandasını 5:0 hesabı ilə məğlub etmişlər.
Voleybol yarışlarında isə yarımfinala adlayan Azərbaycan komandası bu mərhələdə Ukrayna millisi ilə qarşılaşacaqdır.
Güləş üzrə yarışlarda Nicat Əhmədzadə (54 kq) gümüş medala sahib çıxmışdır.
Aerobika üzrə yarışlarda isə Azərbaycan komandası 20, yığma arasında 4-cü olmuşdur.
Ümumilikdə turnirdə 42 ölkədən 900-dək idmançı 10 idman növü üzrə mübarizə aparır.
Bölmənin digər xəbərləri
